有人話點都要寫下食評喎,我見個頭又未乾,佢又提供左D送名,就即管寫下啦!
食物計有酸雜菜,春卷,生蝦,炸蝦頭,海南雞,豬腳,冬陰功雲吞湯,甜酸倉魚,牛尾煲同埋椰汁四寶露。
- 酸雜菜唔錯,幾開胃,D蘿白唔算係我既「飛VA」,但係都整得幾好味。
- 春卷好鬆脆,D餡唔會話好油膩,幾好!
- 生蝦,呢味我最鍾意,加左D辣椒同蒜頭,惹味!D蝦都幾新鮮,肉又夠厚。
- 炸蝦頭,第一次見人用蝦頭做主菜,炸到脆脆地幾香口。
- 海南雞,D肉質幾好,不過個人口味認為馬來亞風味好味D。
- 豬腳,炆得都算唔錯,唔會話整得好油膩,不過上兩煲就實在係太多。
- 冬陰功雲吞湯,唔夠「冬陰功」,佢地話太甜,我就覺得太咸。
- 甜酸倉魚,呢個味道就一般,唔夠甜又唔夠酸,亦都唔辣;比起上黎滬菜既糖醋魚好味好多囉。
- 牛尾煲,好有西餐FEEL,D椰菜配埋D汁都幾好味。
- 椰汁四寶露,都OK啦,唔算好特別,但出面又好少飲得到,似係冇西米既西米露加芋頭咁上下既野。
創作者介紹
創作者 aaweb 的頭像
aaweb

AA廢苦之言

aaweb 發表在 痞客邦 留言(0) 人氣()