ＡＡ廢苦之言

雖然最終冇去迷幻沙灘，將行程改為乘風破浪日曬雨淋團，但係都好玩呀，哈哈！而且今次能夠好成功咁打破左九男女既定律，有十男女之多，都算係一個壯舉。

節目一開始，西貢忽然間落左一場大雨，所以大家要等一等先可以開始。我地響白沙灣上船，然後啟航去迷幻沙灘附近既一個小灘游水，當時陽光十分充沛，團員中有一對男女即場示範「生還者」環節，就係去執木棒同繩，將自己帶去既一塊生還者布架起，做成一個shelter遮太陽。可惜，當佢地好成功咁架起左塊布冇耐，一場暴風雨就來臨，仲有行雷閃電添！大家浸左響水好耐都未停雨，經過一番討論之後，決定上番船食d野先，因為都幾凍，順便等埋王景剛黎join我地。

午膳過後，開船去左第二個灘，「搶灘」時有好多好利既石頭，即刻要等橡皮艇上既拯救人員拋下數對拖鞋先可以慢慢上到岸。上岸之後先發現原來另一邊係冇咁多利石咖！(番到屋企先發現原來都介損左幾野。)上左岸玩左一陣飛碟，然後再游多陣水就回程啦！

回程既時候有人上演左一幕「黎明捉倚」既情景……
嘟～嘟～　（不必管！　遠或近……）
「大哥！你快Ｄ返黎啦！阿爸佢……唔記得帶鎖匙呀！」
哈哈！