今朝早睇新聞,見到韓國農民對世貿激烈示威同抗議,真係再一次諗番下,原來d所謂世界強國,係用緊好多唔公平既手段去令到窮者越窮,富者越富。
幾年前,曾經睇過樂施會出版既一本書,係講公平貿易既,真係唔講唔知,原來d種植咖啡豆既農民,係被欺壓得咁緊要。所以佢地推出左公平咖啡,意味住農民同烘培商都能夠公平地得到應有既待遇,我都買過一包黎飲。後來聽聞某d地方星巴克都有賣公平咖啡,值得一讚。
講番d農民,d所謂大國真係好衰,成日迫人開放什麼什麼巿場(但係自己就唔開放自己個巿場,睇下成衣入口限額個例子就知佢地好cheap),然後就用政府補貼自己人,加強自己友既競爭力,一d都唔公平,仲要講到自己好正義咁,不知所謂!

創作者介紹
創作者 aaweb 的頭像
aaweb

AA廢苦之言

aaweb 發表在 痞客邦 留言(15) 人氣()