其實呢個topic我諗可以開一個category,因為實在有太多不知所謂既人。

因為等頭髮乾,走去bbs睇文,睇到有一篇文係妙齡女甲話自己鍾意左一個有家室既講師,然後另一妙齡女乙亦表示有同樣經歷。兩人皆打算向有婦之夫講師表白,話覺得應該俾對方知道自己鐘意佢云云。

甲:「成日鍾意親 D 人,一係就有女朋友,一係就有老婆,我又唔想做人第三者, 又唔敢問佢離o左婚未,好唔開心呀! :( 」
甲:「.....話時話,做第三者係慘,N 年冇拖拍仲慘,如果有得揀,我唔介意做佢情婦... 」

然後有人發表話唔應該表白,因為咁樣盞做成講師既滋擾。跟住又有一人搭訕,話呢,希望原作者夢碎時唔好跌得咁慘,同埋因住d學業成績。跟住就有一個人(因為用左匿名,唔知係咪兩位妙齡女之一,睇用字,個人認為係妙齡女甲,哈)話:「好心你啦, 唔知咁多內情, 唔好亂咁撥人冷水啦. 咁大個人, 唔通唔識諗咩, 駛你提. friendly d 啦. 」都幾好笑,bbs係咁咖啦,大家都有權發表意見,唔想人地搭訕就咪post 出黎,搭訕者又唔係人身攻撃(某程度上只係講事實姐..哈哈..不過真相又係往往叫人不能接受既),點解一定要講d please 你既說話?而且我唔覺搭訕者唔friendly丫。個人認為,呢兩位妙齡女子跟本係類似偶像崇拜式既傾慕多於所謂「鍾意」個講師,因為佢地既出發點係自己,總之要將自己既野發表,唔理後果會為佢地所謂鍾意既人帶黎咩野麻煩,呢d就叫鍾意人?

arrow
arrow
    全站熱搜

    aaweb 發表在 痞客邦 留言(10) 人氣()