買左呢隻碟有一段日子,先講封面,我覺拍得幾有mood。

內頁有一段Juno的話,亦寫得不錯:
「音樂是有機的生物,我覺得它們有自己的意志,甚至可說是很霸道的,有時會返過來控制著歌者,這並不是個好現象。我需要一種很高昂的情緒去駕奴我的歌曲,那是 ─ 躁。以前的我,在一首歌曲的製作過程中,只負責唱的部份,其餘的都不用操心。但這種分工,給我一種漫無目的的感覺,不能全情投入。現在的我,跟我的音樂是不可分割的,由概念的構成到混音的完成,每一個細節,我都會跟它們一起成長。整個過程是漫長的,我需要一種高昂的情緒支持我,那是 ─ 火。(下刪數十字)」

新歌
一‧炸彈人
藉放屁事件講下d人既反應,melody幾輕鬆。

二‧下文
呢首冇乜印象。

三‧濛
第一次聽就覺得d歌詞同陳奕迅果首大開眼界意識一樣。都係講談情雙方都係唔係睇得太清楚,否則會被嚇親。

四‧天台晚餐
幾羅曼蒂克feel咁,響天台撐檯腳。

五‧九因歌
九因歌唔係講乘數表,而係想講事出必有因jek……

精選
一‧耿耿於懷
詞寫得好,寫到果種心痛feel,將成個故事講到出黎;男主角雖然與前女友分手,亦另結了新歡,但其實還未放不下。

二‧我有時覺得
又係一首分手後歌,最深刻係佢描寫番到屋企仲未習慣冇左另一半。

三‧有人
呢首去唱k經常唱,易上口,好記得個mtv係講juno係tune琴師。

四‧是誰後備
類似「最佳位置」果d situation,佢當你朋友,但你又唔係想同佢做朋友果隻。

五‧如果可以待你好
d詞悶悶地咁。

六‧沒有人
同「有人」一曲唱反調,應該係y文玩野之作,哈。

七‧放棄愛情
講愛人揀左第二個,所以決定放棄。

八‧原地轉
melody幾好聽,講一對戀人感情到樽頸位,原地踏步,進退兩難。


arrow
arrow
    全站熱搜

    aaweb 發表在 痞客邦 留言(5) 人氣()