原來己經好幾日冇寫blog,一來因為份無聊功課纏擾,二來頹風旺盛,冇乜心情寫。不過再唔寫我阿旺財同發夢王就唔曉大咖啦,都係時候寫番少少野。


言歸正傳,講番果份講左好耐又做左好耐都未做完既功課,響貓糊smalltomato鼎力幫助下終於完工(謹在此再多謝兩位大俠仗義相助)。如果大家唔嫌無聊,不妨click呢度開黎玩下,睇下你幾多秒內可以勝出。呢份功課真係做得好冇心機,一來自己唔鍾意玩電腦遊戲,二來畫功及美術極差,開初諗既idea亦都實現唔到,好明顯地係「係咁2」交貨。


順口又講下呢科個lecturer,嗯,認真麻麻。吹水就吹到好大,成日講你上完呢堂就會點點點,識哂d乜乜乜,搵鬼笨。我覺得佢教果d內容幾無聊下,唔重要果d就花好多篇幅去講(例如無啦啦講咩樂理),重要果d又係咁2講下就算。同埋我覺得佢有時講得唔o岩。例如佢比較WYSIWYG同一d non-WYSIWYG既應用程式。佢話WYSIWYG果d既唔好處係你打字果時會成日要顧及d format,唔可以專心咁寫作。我就好唔同意勒,車,你可以作好成篇先慢慢format咖嘛,邊個叫你一路作文一路做formatting jek?

arrow
arrow
    全站熱搜

    aaweb 發表在 痞客邦 留言(10) 人氣()