ＡＡ廢苦之言

日期: 2009-12-27
地點: 惠東梁化森林公園(廣東梅園)

上堂時見到阿sir 報料話呢度d梅花靚，加上適逢係梅花開既季節，於是立即約腳組團。千辛萬苦約到呢日，book左架九人車，再約埋幾個同學一齊去。

呢個梅園既地點都幾偏僻，個司機跟本就唔識路。好在去到加油站遇到阿sir果團果兩架車，即跟啦！可惜既係個司機唔多認到路，回程時都行錯左。

早上八點七八個字深圳華橋酒店門口上車，去到都十一點幾，天陰陰咁本來都幾好，點知我機鏡都未拎出黎就開始落雨，結果只好被迫留響食店附近影。開初都有開遮響戶外迫，但實在係好難搞，一隻手渣住遮跟本就冇手校腳架同set機，影一陣已經好攰下。不過天色昏暗影high key相又真係幾o岩，但係d曝仍然係唔得，都係要好保險咁用唔到曝光影n咁多張，以策安全。

呢次主力用支384影，真係sharp，不過真係好唔捨得任佢俾雨dup。中途有換波波鏡，真係好難對焦，可能因為有風吹郁d梅花啦，又加上落雨同凍，塊鏡好似濛濛地咁，softlens feel。最後亦有用支天涯影macro，都ok，不過冇上山影啦，因為d泥路我怕上左去落唔番黎。

總結一下今次既經驗：
1. 明知落雨, 一早應該要買同埋要帶金鐘牌UC-6 & 相機雨衣。(今日PT即去買!!)
2. 支384有買貴, 冇買錯
3. 唔識搵阿sir講果d 滄勁既樹枝
4. 曝光唔得, high key under, low key over!!
5. 構圖有待改善，要睇多d國畫書增加下個人修養至得，哈哈