今日本來諗住「息影」,但係太陽實在太美妙,加上師姐飛士卜留言鼓勵,食左d野就出發去近近地既西貢獅子會。

先去個荷花池睇下,光線麻麻,放棄。走向兒童遊樂場,楓葉冇上次咁多lu,落左好多,但係d光線唔錯,所以都影下。上次影用支300mm波波,今次用支500mm,嗯,支龍仔好sharp!

轉身見到有d勒杜絹,又影下,不過好難構圖,因為花太密。

跟住再去小蓮花池,有好幾朵睡蓮可以影,又練習下多重曝光。今次識得先影濛,後影清,真係又sharp左。

按列又去標本林果邊睇睇,今次見到d洋紫荊都幾ok,色水唔錯,好嬌艷,而且我又未影過,一於試下。影到咁上下,發現附近有兩隻雀企響欄上唔郁喎,即刻轉身影佢啦,原來用波波鏡都打到雀,哈哈!不過未搵到隻雀名。

創作者介紹
創作者 aaweb 的頭像
aaweb

AA廢苦之言

aaweb 發表在 痞客邦 留言(0) 人氣()