日期:2010-01-18

阿sir響堂上多次強調叫大家去影,作為一個乖學生(呵呵,自我讚揚),我想去影好耐。奈何前排一直陰天,直至上星期太陽伯伯先至復工,見天文台話今日會有陽光,於是星期五請定Birthday Appreciation,一於去實習下。

由於時間尚早,先去南蓮池園&志蓮淨苑兜個圈,然後再折返影石凳。唔知係咪時辰未到,好似同阿SIR影出黎既光位好唔同咁(下堂要問下阿SIR至得),不過一場去到都唔理啦,照影。曝光的確如阿SIR所講,幾難,好易OVER,好在數碼年代可以即睇結果。果度有四圈石凳,我估阿SIR應該係影最近九龍城方向果一圈(上堂又要問下阿SIR,唔知係咪阿SIR講左我聽漏左)。我好懷疑阿SIR真係帶左個生果箱去(哈哈),因為我印象中阿SIR D 相高角度過我好多咁(佢應該唔係高我好多姐...),我試過企高影,不過效果唔顯著。踎底光線角度又唔o岩咁,或者應該再等晏少少影,上完堂問完阿sir睇下有冇機會再去影過至得。
創作者介紹
創作者 aaweb 的頭像
aaweb

AA廢苦之言

aaweb 發表在 痞客邦 留言(0) 人氣()