ＡＡ廢苦之言

住新宿出出入入都好容易聽到廣東話，我住這家酒店也不例外。今早搭LIFT時有個妹妹個媽咪(定阿婆?)叫:九字丫唔該。我幫佢按9字，個妹妹好似好奇點解我會識聽咁，哈哈。

呢間就係我住既酒店，我覺得都OK，勝在方便訂房，又算平，只係距離車站略遠。


仲要包早餐，雖然只係食下飯糰，飲下MISO SOUP。


上午去左橫濱，下午回房洗個面又出發去原宿，主要是想去UT STORE HARAJUKU，又係好順利就搵到，買左四件TEE。然後去左一間叫KIDDY LAND既玩具舖，樓高六層，好多野睇，但D野好似略貴，乜都冇買就走左。


最後響原宿駅對面果間FANCL幫朋友同自己買左少少就番新宿，因為開始肚餓，係時間去我幾經辛苦先搵到既若狹家食魚生飯！

呢間野我最先係響電視見到介紹既，之後上網搵，只見d人一味話好味，又冇講響邊喎，尋晚係咁2四圍望又見唔到，走左去人地個blog度問添！好在後來遇到識日文同事online，佢幫我search左條link出黎，然後個blog有個人留言，好清楚咁教左我去！就係新宿歌舞伎町一番街個牌(即靖個通Li)既右手面一個街口(係間賣party用品舖)直行，見到老麥過兩個舖就係！

我點左最受歡迎第一位：魚子、魚腩、海膽飯

嘩，勁好味！新鮮！甜！平！一定要encore！下次要試生蝦同三文魚！

好，影番張今日既戰利品先：