ＡＡ廢苦之言

路線一係遊覽HIGASHIYAMA區，由京都駅搭巴士去到五條板(GOJO-ZAKA)，再漫步行上清水寺。






清水寺係我唯一知道既京都既寺，出發前心想必定會有大量遊客，可能會頗煩擾，不過實情係遊客唔算太多。未俾入場費之前都有D野睇下。










旅遊書話入去清水寺之前向左行，會有另一個RECOMMAND既地方(但我實情唔知係乜黎，因為得個日文拼音既英文字，而且本書我又還番比朋友)，話收100 YEN入場費，不過我向左行只係發現到一個免費入場既墳場。


俾300 YEN入場睇既其實都唔算太特別，不過有穿和服女子睇下都唔錯。








行到咁上下，有D攰，佢有個地方比人除左對鞋坐上去休息，我覺得幾正。響呢度有幾位朝先大叔見我睇英文旅遊書，問我來自何方，搭了兩句訕。


呢度有好多人排隊飲水，好熱鬧。


臨走前見到有人(僧人?)在化緣。


遊覽完清水寺，就落番山，沿途當然唔少得響八X橋嘆番杯抹茶軟雪糕啦！好香濃既綠茶味呀~


沿途景色都好和風










路上有間舖頭(不過唔知佢賣乜，冇睇)，有D Q版地藏王公仔響出面，幾得意。


呢個係高台寺入口，不過我冇入去，因為，條斜路都好斜下，哈。


下一站：円山公園，THE NEXT STATION IS MARUYAMA PARK.
其實搵呢個公園有少少迷失，不過好在最終都搵到。而且環境唔錯。








下一站：八板神社,THE NEXT STATION IS YASAKA SHRINE.
沿途遇上裝扮成藝伎的遊人，坐人力車遊覽。本書話日頭見到果D假藝伎叫MAIKO，夜晚見到果D先至會係真，夜晚去先斗町又真係比我見到兩個搵街邊檔算緊命喎。










參觀完八板神社之後要走回頭向円山公園方向行，然後再落山，不過呢個時候好肚餓(因為之前行錯左路)，結果俾我見到円山公園近其中一個出口既地方有一間旅遊書有介紹既食店，見個樣都幾骨子，價錢又唔係飛禽大咬，於是決定幫襯。




我結果ORDER左呢個SET再加日本清酒




呢間野主打係食D類似蕃薯既野，加埋魚塊一齊食。











呢一味幾特別，豆腐粒個湯係杰身既，加左少少黃色既介辣，令清淡既豆腐變得惹味。




從食店果面既円山公園出口離可，好快就到知恩院。去到已過左入場時間，不過我都冇打算入去睇，原來都幾大間下。


接住就係呢條路線既最後一站青蓮寺，不過我都係冇入去，但外面都幾清幽。


完結時落番馬路，本來個巴士站明明近d，又貪得意走左去搭地鐵，唏，又貴又唔方便，都係搭巴士好。