年前聞說威嘈與友人一同浸製各樣果酒，成績斐然，當時已蠢蠢欲動想試，不過那個時節並沒有梅，亦只好作罷。月前到友人家中玩card game兼打邊爐時終於試到了那些果酒，果真不錯呢！所以已立下心志要試做，不過心志立下通常都不會立即成就，幸得好心友悶告知其居附近之街巿有梅子出售，還買了一些分送給我呢！真是太好了！剛巧又在msn上看到威嘈在線，深知她比較喜歡以語言表達多於用手打文字，得其同意後立即午夜home鈴追問梅酒做法及心得，然後再傳授給悶。
萬事俱備，只欠空樽；收到風花園街譚才記夜冷有很大的密實玻璃樽，每個只售三十。湊巧今天在那邊出沒，便買了一個回家，很重啊！因為還未買冰糖和燒酒，卸下行裝又出門遠赴超巿購物兼晚飯。走過家庭用品店，發現有一款聲稱是用來浸梅酒用的玻璃樽，容量好像比較合適，而樽蓋的構造看來也不錯。
樽內還附有一張以日文編寫的果酒製作指引，附彩圖，不諳日文人士也可以看得懂。
每個售價$39.8，略貴，但又聲稱是日本製，不知是否屬實。
這就是我用的材料：遠航牌九江雙蒸(威嘈說是給她食譜的人所推介的牌子)約800ml、太古冰糖400g、悶贈梅子約1千克(斤半)
很快便完成工序了
按威嘈所傳，酒可以分兩次加入，今天我只用了一支(約600ml)，明天會加一些至樽口對下1-2吋。應該三個月後便浸製完成了。現時有一個大的玻璃樽未用，如各方親朋妄友得知何處有梅子賣，煩請告知，那就可以再多浸一些了。
友情連結：
梅酒@秘密花園
文章標籤
全站熱搜
自家製作 (3)
個樽好精美喎，係邊度買嫁？買定個第日用丫嗎。^^
通保行買咖。佢仲有d大size咖，不過好貴呀，一百零幾蚊。我仲有一個譚才記未用嘛...
用雙蒸?浸完酒精度是不是仍很高?
jason,我上次飲過朋友浸製的三款果酒，看來浸製後因加入了果糖和冰糖，酒精度數已大大減低，淺酌的話，應該"一杯不醉"既，哈哈。
你買果支九江雙蒸好似正過悶果兩支咁喎﹗阿叔用高樑浸果d生果酒，我好想話side左d高樑酒，同埋d生果都係吃新鮮好。除左d酸嘅梅、檸檬等等。
好唔好要飲過至知，但遠航牌應該算係米酒中既名牌。
係呀，呀飲評家二元兄都話軟航係老字號，比起豬肝橋排係好好多。我買個時佢又吾講，買左先講我知，不過佢係酒都會飲所以無所謂啦^.^
講到甘我都想飲返啖haha
我另外再浸左一埕梨酒，尋日響街巿見到有d幾靚既青梅賣，忍唔住又買左d，呢次就用米酒代替雙蒸，我睇d討論區話落番少d糖就ok。究竟邊個combination先係最好？半年後就自有分曉。 順便記錄下三瓶酒的份量，以作日後參考： 一、 青梅約一千克（斤半） 太古冰糖約四百五十克（大半斤） 雙蒸酒約八百毫升 二、 雞心朵約兩千克（約三斤） 太古單晶冰糖約七百克（一斤三兩） 雙蒸酒約一千五百毫升 三、 青梅兩磅（約一千克／斤半） 太古單晶冰糖約三百克（半斤） 米酒九百一十五毫升
去年我開始浸梅酒. 發覺不錯, 並推廣給朋友. 用料為: 1公斤梅子, 1.8公升燒酒及約300-500克冰糖. 燒酒我選了特醇米酒,原因是每支620ml, 冰糖則選單晶冰糖,原因原冰糖太大粒. 因糖最好分三次(每隔一個月加一次) 因一次加入300-500克糖, 糖濃度高,將來梅子精華因急速滲透出, 梅子會呈萎縮, 外觀不好看. 在元朗大馬路, 大棠路星展銀行旁生果檔有梅子賣, 每磅6元. 人多時可趁機逐粒挑選(因檔主說不能挑選). 另一處是元朗同益街市後門近車路旁的菜檔, 每斤5元 (斤是重過磅), 有時會每筲箕仔5元. 今天兩處都有貨. 梅子在4月中後可能無貨. 要的趁早. 另惠康特醇米酒 16.9 而華潤則 18.90 百佳約 17.4 祝好運
梅子大使，謝謝你的資料提供。 元朗對於我來說太遠了，哈哈！幸好給我發現了我出沒的地方也有梅子賣呢，檔主沒有說不可以挑選，不過我見他們的梅子都很好，所以也沒有要求要個別挑選啦。
Hi, 我都想浸梅酒, 想問一下那個日本製的空樽在哪里可以買到呢? 謝謝.
是在通寶行買的。這通寶行應該也是連鎖式經營的店舖，因我記得他們好像有分店。
我想請問你個樽係幾多Lilter架?賣$39.9,我之前見到一個5 Lilter,差不多$100,係咪要用咁多梅?
幾多liter我唔記得呀... 我估1.5 至 2 掛... 計番d材料.. 至於係咪用咁多梅，我都係按食譜份量再自己加多減少咁咋...呢d野冇一定既...
7元一磅, 20元3磅, 其實係算貴, 但這檔比較大粒, 好多檔的青梅, 都好像未發育完成甘, 勁細粒, 現時浸水中, 我買左3斤分, 請問分2樽浸好or1樽浸好,
請問係大埔邊度呢? 可否detail告知? 謝謝! 我記得兩年前買青梅都係咁上下價錢...
我是在大埔墟hsbc銀行與日興金舖之間的行仔, 有位婆婆長期開檔買的, 如有問題及唔明再問我呀
Thx for telling~~不過太埔有d遠，我今日再響旺角睇都係搵唔到....
你浸的梅酒請問飲左未呀, 味道如何呀, 我剛剛先浸左2日, 同你一樣用左遠航牌雙蒸酒, 好心急呀, 所以問下你, 如可以update現時梅酒的相. Thankyou
飲淨半支咋。我記得我應該係浸左半年or一年果時倒左d酒去另一個酒樽度。味道梗係好啦(我自己覺得.haha)，不過我請過朋友&同事飲，佢地都話正，而且話都"kaug" "kaug"地咖，但就甜甜地易入口。果半支酒入左去個好深色既樽度，梅又一早食鬼哂，所以冇咩好影咋。
你買到梅未呀??, 今日我你大埔見到有似西梅甘大粒的青梅買, 我忍唔到手又買左2磅,打算浸醋,
我家下響台北呀... haha... 黎左一個星期，要19號至番.唔知到時仲有冇添
玩得開心d喇.....
hi 今日係紅磡街市買到青梅, 還像西梅甘大, 10元一斤, 不知你還有興趣嗎?
我前天也在旺角街巿買到青梅了，謝謝！
今天大埔富善街多檔都仍然有賣，每磅6元至7元，3磅20元。有純青色的，又有青中帶紅黃色的。
請問你知唔知譚材記開關時間或電話呀?
唔知呀.