日期: 2010-1月-15
地點: 油麻地政府合署停車場八樓及柏麗大道側警局傷殘人士通道

有人買左新毒品騰龍五百波波,蠢蠢欲動要搞個試鏡儀式,於是相約happy friday放工後去影相。

上到停車場八樓,個位都幾廣闊,五個人都可以任set位,不過條欄杆都幾阻,要開中軸先得。呢個位望落去廟街「大發麻雀」果面幾靚,可惜既係呢個牌長熄,如果唔係就更正。

由於呢度只係得一個位,所以試左不同既色溫去影,睇下個效果。然後又試下重曝,整d波波效果。跟住又試下zoom去影人咁,影到尾聲就有警察叔叔上黎查問,哈哈。本來想落低幾層用唔同角度影,但停車場阿姐叫我地呢d敏感時間唔好影喎(都唔知係咪佢call阿sir黎? haha),我地唯有散水去食泰菜啦,d漒水狂徒真係超衰!

食完飯,意猶未盡,再去柏麗大道影阿何sir講既「焦外成像」。原來唔係想像中咁易,要搵到個角度可以sharp到前排燈又有後排燈原來要側側地。亦有嘗試影埋店舖上面個反光面,d效果都幾得意。影到十二點原來會熄燈同埋拉閘(警局個閘),阿叔都幾好人,好好禮貌咁同我地講要關門。

總結:
1. 夜景係有少少爆好睇,但太爆又唔係咁好,不過我個人比較鍾意d under 少少既相
2. 要捕捉路上行人神情其實好難,要推高iso, 整快個快門至得
3. 影廟街要用快門繩並且delay1秒先得,否則可能會震

創作者介紹
創作者 aaweb 的頭像
aaweb

AA廢苦之言

aaweb 發表在 痞客邦 留言(0) 人氣()