ＡＡ廢苦之言

因為實在太無聊（唔放我走但又冇野俾我做），所以寫下近況。
最近卜友們都好似封哂筆咁，冇咩寫，可能呢d就係熱情過後既冷靜期，哈。

學業
書就終於讀完，試都考埋，不過要二十號先知最後一科既成績。如果順利合格，咁我既兼讀生涯就可以畫上句號。不過被稱為「百足咁多爪」既我，那邊廂仍然係會搵d野黎讀下咁。例如依家逢星期五既推拿按穴課程，同埋逢星期一既電子琴班。不過我決定上完個推拿之後就唔再報新course啦，實行斬腳趾大行動，做個專一的人，專心學琴，希望做得到。

事業
好早之前已經想讀完書就轉工，不過又估唔到咁順利同埋咁好timing。新工應該會比依家忙好多，我希望可以將自己d時間安排得好d，我唔想全時間工作，貫徹「打工唔係賣命」既工作精神。新工應該比現時工作較有前途；回想呢四年半既日子，真係好舒服，但又好頹（真係難服侍，忙又話辛苦，閒又話頹！）。我諗係時候為自己既退休生活做ｄ具體ｄ既野，如果可以五十五歲退休，你說有多好？不過我睇怕都唔得，因為我估我呢ｄ人，點會咁早可以死丫？起碼都八十歲命，閒閒地九十都唔出奇，三十幾年既生活，條數好襟計呀！冇病冇痛都仲好ｄ，萬一有咩頭暈身慶，死又死唔去吊住條命，就真慘。

其他
新舊工交接會有一個星期的空檔，打算去東京走一趟。機票勁貴兼要waiting，希望去得成，因我好想去橫濱新開果個麵飽超人美術館朝聖。
打算買番部desktop，因為notebook就快過保養期。你知啦，通常都係咁邪，一過保養期部機就打柴，都係未雨綢繆好d。
停左好耐既gym都係時候要start-up番。食左葡蔔糖胺幾個星期，膝痛有改善，今日久休復出，希望唔會出事。