ＡＡ廢苦之言

今日既主要行程係去吉祥寺。對呢個地方，可以講得上係「一見鍾情」，因為當朋友借本東京SUPER BIBLE俾我時，我一睇到吉祥寺既介紹已經決定要響呢度SPEND一日。然後我再去圖書館睇書，發現左一本書叫「漫遊吉祥寺」，睇完之後我更加肯定「我冇睇錯人，係佢喇！」。



去吉祥寺既重頭戲係井之頭恩賜公園。去公園之前本來打算租單車踩去，不過去到本書介紹既地，搵唔到有車租，加上本身駕駛技術麻麻，所以打消左念頭，決定用腳走。

呢個公園環境十分優美，漫步其中就好似置身於郊野公園之中咁。


呢個就係三鷹之森美術館(既外圍)，展出宮崎駿動畫既相關展品。因為我並非其FANS，所以冇俾錢入場欣賞。


公園內除了經常大叫的大烏鴉外，還有鴿子。


路旁的小花也長得很美


這位先生在公園內聽聽收音機，看看書，十分寫意。


這楓葉的剪影讓我想到秋天來漫山遍野都是紅葉，一定更美。


公園是連著民居的，住在這裡一定很心曠神怡。


這家井泉亭本想幫襯食碗蕎麥麵，不過到我離開公園時都冇開門。


呢度係另一處與公園相連既民居，似乎好富貴下。


仲種左好大個柑添：



呢伙個門口好靚


公園內既湖邊，隨意影左張都覺得靚。


公園內設有韆鞦，令我諗番起細個既時候好鍾意去公園打韆鞦。


呢度就係七井橋通入口處。


回程時，經七井橋通行番去吉祥寺駅方向，見到本書介紹既可麗餅，於是ORDER左一份人氣NO.1既香蕉忌廉雪糕CREPES，真係幾好味。


吉祥寺第二個重頭戲就係YUZAWAYA。有成八層，專賣D手工野呀，精品野呀，文具野呀咁，我足足響度行左幾粒鍾，D手工藝野真係好精采，睇到我嘩嘩聲。

跟住再去左無印良品地庫果間99YEN店，嘩，勁抵！真係全部99YEN+稅(即104YEN)！一盒明治咖啡味FRAN，香港賣十幾蚊，依家只係104YEN咋！卡樂B關東風味薯片一大包又係104YEN，你話係咪抵先？

行到腳軟之軟，就梗係去搵食順便抖下啦。原來我想食既PEPPER LUNCH就響無印附近，於是就揀左個份量唔多既牛肉粒(因為其實唔餓)AND沙律。


黃昏時的吉祥寺


離開吉祥寺都係五六點，所以去左池袋一趟，因為想去TOKYU HANDS。呢間TOKYU HANDS雖然有七八層，但我想睇既其實主要都係COOKERY既用具，不過冇我想像中咁多。

而池袋既第二個目標就係旅遊書介紹既一蘭拉麵，都唔係咁易搵到(因為我冇帶個地圖出去，只係自己畫左一個帶出街)，不過好在都搵到。

入到去見到有位，於是就去買飛。除左拉麵之外，仲叫左杯B-LU啤啤佢。


因為旅遊書話佢有中文FORM，我就叫左佢俾中文FORM我填汁呀，麵既軟硬度呀咁。


好快就有得食


我覺得個拉麵係幾好味，但又不至於誇到話咩TOKYU WALKER第一位，不過我都知D旅遊書大多數都係用誇張法黎報導咖啦。我覺得呢間舖分開一隔隔咁食幾好，自成一閣。

最後就係今日既戰利品


對於今日既行程真係十分滿意。由於尋晚落過雨，今日涼涼地好舒服。行公園真係好ENJOYABLE，本來想去埋成蹊大學睇睇，不過對腳都好攰下，加上落左陣雨，冇去到。

後話：明天去京都唔帶NOTEBOOK，遊記暫停。