呢期好紅既錦鯉 @ ＡＡ廢苦之言

Jun 03 Fri 2005 23:16
呢期好紅既錦鯉

今晚整左大菜糕，因為之前去台灣買左個獅子模同錦鯉模，今日就開一開齋，都幾易脫模。

另外仲有一盤係用上次去三越買既布丁模，我仲加左d罐頭菠蘿，應該會好味d。
今次好似落得唔夠糖。我求祈加，都冇計住落左幾多，係咁2試左味就算，哈哈。
不過我買果包大菜糕教落杏仁香油，咁o岩我又有樽響屋企，加左半茶匙，真係幾香幾夾喎d味，不過蛋花多左d，應該落半隻蛋就夠，不過我見剩番都係倒，所以諗住倒埋落去唔好徙，結果搞到都幾重蛋味。