close
尋日睇番錄起左既「一舉成名」，驟眼睇，ｄ參賽姐都真係幾似佢地既模仿對象。其中有兩個扮劉德華，山西劉德華個樣比較似，但係我覺得佢神情唔似，最騎呢係著成套白色中山裝，但係又配對黑色皮鞋，怪！反而廣州劉德華既神情就好似，果首《練習》唱得幾好聽，中間又有換衫，好有誠意。如果比我選，我會投佢一票。冠軍既順德張國榮，外型其實唔多似，不過唱歌就幾似，但係唔算唱得好，有ｄ走拍＆走音，但唔知點解現場觀眾見到佢出場就好似好ｈｉｇｈ咁，其實佢平平無奇之嘛。
另外果三位主持：田雞、六師弟＆小龍都真係唔多掂。ｄ對白唔得都算，成日唔識走位，搵個背脊對住個鏡頭，好唔ｐｒｏ。阿小龍唔知係咪蒲得勁定係多野做，個眼袋好勁啊！然後又安排左六個候選亞洲先生上去亮相，睇落都係唔係咁得，只係得一個瞿威廉個樣叫四正少少。
全站熱搜
留言列表
自家製作 (4)
