ＡＡ廢苦之言

出碟之日就係我去睇演唱會之時，紅館門外賣一百蚊隻，我心諗：搵笨咩！駛鬼一百蚊咁貴呀，又唔係有簽名，痴線。
第二日麟迷friend通知我，佢響西九龍某處以七十五蚊買到，另加五蚊有海報。佢都問我搭唔搭佢買，但係又冇咁快見到面，就諗：算啦，爭幾蚊不如自己買。
結果有一日放工去左旺角買，第一間「西方視野」竟然賣七十四蚊咋！不過因為約左人食飯，費事拎，所以打算食完先買。誰不知行到去旺角中心附近果間「festival hit」，嘩！賣八十九蚊喎！我心諗：有冇病呀？街頭街尾爭十五蚊？雖然車站就響附近，我食完飯都係行番過去西方視野買啦。唯一美中不足係，d海報竟然賣哂，嗚～我好鐘意呢個封面咖，本來想買一張貼響房，依家冇啦......

講番隻碟，我最鍾意係「我在乎」及「舊名單」。前者Alan演唱會都有唱，我仲set左佢做鈴聲。整體上我覺得呢隻碟冇之前果隻天與地咁好，可能係選曲唔多好，一來d melody麻麻，二來d詞都麻麻。我好怕d詞言而無物咁，唱果個都好難發揮到感情，因為跟本唔知佢up乜，哈哈。臨尾無啦啦整首同克勤&成龍合唱，唏，唔al-like成龍咖嘛，把聲唔好聽不特只，又唱得唔好，都唔夾既，不過都好似好過以前咯。