close
尋日係阿痰嬸生日，一眾好友出黎食左餐飯，表面上話係慶祝（實質上都係），內裡都係飲飲食食兼吹水。

首先講番間食肆，其實之前都有黎過一次，食物ｏｋ而價錢合理，最抵係ｄ啤酒，好少做到七十幾蚊。個老細仲話下次有人生日早ｄ出聲，佢預備蛋糕，果一刻其實我心諗：你預備ｄ蛋糕好唔好食咖，我怕你求祈買個好似去唱ｋ送果ｄ忌廉味極重既蛋糕喎。哈哈！

其實自從離開左校園，出黎做事，生日都好少有咩大事慶祝，多數都係食下飯就了事。但係今次呢個生日派對都幾搞笑，又有花啦，又有禮物啦，又有生日蛋糕啦，仲要播埋生日歌添，娘味十足之餘亦有少少回到年青時慶祝生日既情懷當中。

最後點都要講一講個題外話，就係不知世途險惡既年青小伙子ｊａｃｋ，竟然勇闖「惡娛痰」生日派對，不得不寫個「勇」字俾佢，哈哈！


arrow
arrow
    全站熱搜

    aaweb 發表在 痞客邦 留言(2) 人氣()

    E-mail轉寄