無賴 @ ＡＡ廢苦之言

Dec 07 Wed 2005 09:38
無賴

尋日係本學期最後一日上課日，亦係交功課既日子。講師一早講明上堂時係交功課既deadline，因為該堂會講解答案。有一個同學，操帶鄉音廣東話，佢話佢唔知要做功課，話可能因為佢冇上堂所以唔知，仲想向講師求情補交。第一，我同我個group-mate都好肯定佢之前一直有上堂，因為我認得佢d 鄉音同埋d唔多make sense既問題。第二，就算佢真係走左堂，佢自己都有責任上網睇番個webpage，講得清清楚楚幾時要交。我覺得呢條友真係唔掂，認實佢他日若不幸再窄路相逢，一定唔可以同佢一組做project，冇責任感、冇sense兼懶，死症。

講師最後就比d 冇交既人做番第一題，因為第一題係design野，人人唔同，不過其實對準時交功課既同學係唔多fair。