ＡＡ廢苦之言

一）考試期近，掛名閉關，但又唔係好溫得到書，呢頭睇完既野，唔駛三分鍾就忘記，咩事？以前雖然未至於過目不忘，但同依家過目即忘好大對比，我懷疑係老人癡呆病癥。

二）年幾兩年前學人去電髮，當時已經一心諗住到咁上下長度就整番直佢。上星期終於整直左，足足坐左七粒鐘，比預期多左兩個鐘。不過真係好手勢又有心機。番到公司，有一男同事Ｔicq我，記住，係男同事，對答憑記憶記錄如下：
Ｔ：想問你Ｄ野
Ａ：咩？
Ｔ：你個頭咁整法駛唔駛一千蚊？
Ａ（心諗：唔通佢老婆想整？）：哈，點駛呀？四百五咋。朋友介紹，住家舖整咖。
Ｔ：平喎，我之前整過一次仲貴，但都冇咁好效果呀。響邊咖？
Ａ：白沙灣
Ｔ：噢．．．馬交？
Ａ：咩呀，白沙灣響西貢喎；澳門果個叫黑沙灣呀，哈哈
Ｔ：ＯＩＣ．．．．
～完～
註：此對話全經刪改，並且未得Ｔ同事同意之下刊登出來。如有雷同，實屬不幸。

三）扮百忙中都撈下電視汁，無記既《向世界出發》，正！好在有錄影機可以錄底慢慢睇。除左果個林莉同埋夏雨麻麻之外，其他都好好睇。最鍾意係羅家英青藏高原同林嘉欣吳橋雜技果兩輯。