ＡＡ廢苦之言

今個學期都幾當黑，果科頹科要五個人一組做project已經夠衰，諗住有兩個係夾開既應該ok，點知兩個新同學都係騎呢人士，而其中一個茂梨更加係幾乞人憎兼無腥屎。

雖然我唔係成日上堂，但去睇demo時茂梨問問題已經係幾冇腥屎下，問埋d無厘啦沙既野不特只，仲突顯左佢自己好無知。做project一人做一個sub system，要畫若干個standard diagrams，而呢d diagrams 係inter-related。條友有專門tools唔用，走去用visio畫，都算，d內容跟本唔o岩！連大過細個既符號都錯哂！又白痴到話個sensor detect到室溫達80度就發出警號，大佬，80度大部份電子零件都瓜柴啦，唔係咁冇腥屎下化？

今日我響拉記溫書時，佢又唔知做乜不斷打電話比我，我電話已經冇乜電。本來都唔知係佢，因為我冇佢電話號碼（費事入落phone book, conteminate 我張sim咭!），後來佢被我拒絕接聽左幾次之後先捨得遺言，用圖書館電話覆左先知係佢，佢竟然夠膽黎趨我交我要做果part，我咪即刻話番佢，之前傾左要做果d我晨早做哂啦，upload左server啦，未傾果d我未得閒做住，我反話番佢做果d 野唔係好掂，叫佢改番自己d野先啦，仲走黎趨我？又唔見佢趨另外兩位我夾開既組員喎，分明玩野啦，大家都係做左咁多野之嘛。之前幾次我地開會佢都冇出現，做d野又唔掂，只係識得話deadline就到，大家交得未？佢分分鐘要做咩都未知啦。我直情同佢話：你似乎只係關心份report有冇得交，冇理到自己果d野做得o岩唔o岩喎。我都唔想同佢再講野，叫佢搵番組長黎我講。咁得閒趨人交貨不如自己做番好自己果份啦，交份垃圾出黎當交左貨呀？不知所謂到爆！