日期:2010-01-17
地點:嘉道理農場

本來今日係數碼攝影基礎課程既外攝實習,不過諗諗下都係同兩個魔鬼去嘉道理好d,因為有人收到風鐘花櫻桃現正開花,黎緊weekend又上大陸,今日唔去唔知仲有冇得影。搭第二班車上到《胡挺生先生紀念亭》落車(司機叔叔好好人,會提示呢度就係影鐘花櫻桃既地方),果然係有幾棵鐘花櫻桃開左花,不過今日d光有d硬,所以要揀有d樹影果棵黎影。

鐘花櫻桃一束束咁唔係咁易影,花瓣暗位同光位反差都幾大,所以其實都唔係好識影,唯有用唔同快門試(因用波波鏡,所以只得固得f5.6光圈)。個人比較喜歡影d比較畫意既相,但係構圖又係唔易啦,一係太密,一係又太光,一係又太暗。遲下要四圍睇下人地點影得好d至得!影到咁上下都冇咩新位好影,又用波波鏡打雀啦。d 相思仔係咁跳跳紮,好難影下,因為要手動對焦。而且好多張就算對到都影唔到眼珠反光,失敗!

影完鐘花櫻桃,沿路落山見到有粉紅色梅花,襯個藍天真係好靚好sweet咁,本來收左檔懶得開腳換鏡,結果大家「互相鼓勵」下都係開啦。前輩話花有其品格,個人認為,粉紅色梅花比較嬌俏,而白色梅花則比較冷傲,就好女一樣,各有千秋啦,哈哈。

arrow
arrow
    全站熱搜

    aaweb 發表在 痞客邦 留言(0) 人氣()