ＡＡ廢苦之言

N年前，呢一句話係代表大陸人士申請到單程証黎香港，今日，係代表我出完CHEAP番到香港。

今日上午又繼續大無聊，班尼阿蛇見我咁清閒，問我CSV既FIELD入面D SPACE有冇計整走佢喎，哈，計唔係冇，不過係要用我既強項「人肉嗱渣招」做囉！交左貨之後就等到十二點鬆D去食LUNCH，食完就去機場，排下隊等過關入閘上機。唔知大陸個關做乜咁嚴，我個行李入面有條好「HEAVY METAL」既皮帶俾佢X光機SCAN到，佢竟然問係咩黎，要開行李睇，好在我D行李PACK得好鬼靚JEK，哈哈，唔係就樣衰。


回程同青衣托腮一齊坐，行程中得知原來佢響日本都有玩NDS，所以成程機都響度玩NDS，我介紹D新GAME俾佢玩，佢就解釋下果D我一直都唔知UP乜既日文GAME我聽下，不過，講左其實都唔係明好多，哈。

徇網友Ｂ所求，影左飛機餐張相俾佢睇：

盒野入面有Ｄ不知名食品，真係唔知乜鬼黎，ＺＯＯＭ近Ｄ睇下：

似乎係Ｄ值物，但實在係太其貌不揚，冇食到呢。托腮話隨盒附送既SO CALLED千島汁唔好味，我開都冇開啦，大陸出既呢D汁多數賴野。

好在今日班機冇乜DELAY，五點半落機，番到屋企都成七點幾。