ＡＡ廢苦之言

此行首要target就係去呢個麵包超人兒童博物館。

大約九時由新宿出發搭JR去橫濱站，然後再轉車搭一個站去新高島，出2號出口後轉180度再向前行。先會經過麵包超人停車場，然後好快就到啦。沿途所見，全部都係帶住LAN仔既家長，附近又好荒蕪下，我本來都唔係好肯定點去(因為本雜誌介紹寫得唔係好清楚)，不過我總之跟住D LAN仔FAMILY，好順利就到左。

響新高島地鐵站入面已經有個麵包超人公仔歡迎我


一去到門口，我已經響個心到嘩嘩聲。


我一路行一路響個心度同自己講：嘩嘩嘩。又見到入面D細路玩得好開心。










嘩，好大隻麵包超人公仔呀！我結果都忍唔住，扮傻入去搵人幫我同佢影左張合照呀，哈哈。我諗人地會以為我傻，因為麵包超人，其實響日本，只係D幼稚園生先會鍾意咖咋，哈哈！



你睇，連個垃圾筒都靚死DUM一聲


呢個係小廣場既鐘


廣場上既舖頭靚到爆！



行完妙思吟同埋D商店，開始有D餓，就去左上面張相既呢間麵包超人飽點買左兩件野醫肚，又係好盞鬼。



雖然食完兩件野止左肚餓，但又點可以唔幫襯人頭湧湧既果醬爺爺麵包舖呢？


結果我揀左以下呢六款(但唔好問我點食得到六個，哈哈，我依家仲有三個響房聽日做早餐!)


個咖喱飽超人真係咖喱餡咖，好鬼好味！麵包超人就係紅豆餡，密瓜小姐就係類似菠蘿+奶皇飽咁。

你睇，個盒超靚：


除左商店行有野食，其實另外仲有一個ANPANMAN KITCHEN，不過我冇幫襯啦。


D雪糕靚到不得了！但我咳未好，又食左三個飽，冇食。


最後梗係要SHOW一SHOW D戰利品啦！唔係買左好多姐，嘰嘰，不過果本相簿好鬼重，所以我去完呢個妙思吟就即刻打道回府番酒店，太重又攰。