今日放工見超巿有特價叮叮糖水，立即買番屋企。因為屋企方圓數百里都冇糖水舖，好難得先會響屋企食到湯丸（因為懶得煮）。上次見到其實都心郁郁想買，但當時冇特價，好貴，冇買到。今日以廿蚊三蚊既價錢買左三碗，共兩種口味。
點整黎食？
依時！佢ｄ湯丸係有個隔同ｄ糖水分開既，先拎起ｄ湯丸，然後拎ｄ糖水去叮三分鐘，跟住攪一攪ｄ糖水再加入果四粒湯丸再叮兩分鐘就食得。要提醒大家既係，臨尾果一分鐘好易會滾瀉，睇火呀！
味道如何？
一叮好ｄ糖水已經聞到好香既椰奶香味，糖水唔會話好甜，稀杰適中；湯丸如果有多１粒會更好。湯丸皮夠薄，但當然冇糖水舖果ｄ咁「煙紉」啦。湯丸餡係黑芝麻，好香啊！特價幾蚊碗食得過，去大良八記或鵝記叫一碗糖水加湯丸都十幾廿蚊啦。
全站熱搜
留言列表
自家製作 (4)
