ＡＡ廢苦之言

完成路線一就番左酒店CHECK-IN同埋稍事休息，大約六點幾再度向路線二出發。

路線二既起點係今日經參觀過既八板神社，夜晚既神社又有另一番景象。










跟住就係到花徑小路，呢條小路上遊人算不少，而且沿途都係小屋食肆。




又係聽旅遊書既介紹，去左一間叫臺錢洋食既食店食晚餐。佢地獨沽一味日或蛋薄餅，所以入到去只係話佢知你要幾多就得，完全唔駛用MENU。店內既佈置都有D搞野，佢有自己間舖個模型，同埋D穿和服既假人坐響D檯度，哈哈。


我加左佢檯面上一支有個"辛"字既醬汁，只係得微辣，但就令到個餅更好味。


然後就到四條河源町，呢一間好旺下，又有高島屋同埋幾條好長既購物街。其中沿住河邊既先斗町，係一條好窄既小街。但兩邊食店臨立，一間接一間，而且間間都好似好靚咁。不過旅遊書話其中好多都係只接待本地人。所以我只係揀左一間可以望到河景既BAR飲左杯野，又有D風咁，幾舒服。






行完先斗町，呢條夜遊路線亦告完成，跟住就搭番巴士番酒店休息啦。

呢D就係今日買既手信，黎到京都，手信都係不離綠茶咖啦。