ＡＡ廢苦之言

出差對於我黎講，係一個「蝕」字，因為往往都會蝕左好多時間，例如搭飛機既時間，放左工之後既時間。所以我其實都唔係咁想出差。好彩今次只係兩日一夜，而且機程只係55分鐘（仲快過我由屯門返屋企），都冇咁慘。

不如就講下今次出差既軼事。出發當日，亦即係尋日，適逢祖國在廈門呢個軍事重地進行軍事練習，廈門上空成為左禁飛區，搞到班機delay左個半鐘，好在我星期日去買左本小說黎煲，否則真係呆坐，等既時間仲耐過飛既時間，搞野。

然後說一下吃的。（國語台）當地同事晚飯時點了一個叫「土笋凍」的東西，看起來有點嘔心的（最衰部桑哩艾力臣壞鬼左，唔可以影張相俾大家睇），樣子就將把一些像腸臟的東西做成果凍，最初我也很遲疑，但他們點菜的時候有問過我有什麼不吃的，是我自己說什麼都吃（竟忘了香港同事的告戒說他們有可能吃虫！），然後他們保証說那不是虫，是海鮮的一種，我只好硬著頭皮吃一個。是蘸一些廈門辣醬來吃的。說實在，味道真的不錯，只是賣相有點嚇人。

到左今日下午，終於可以親嚐傳說中既「廈門炒米」。真係同香港既好唔同。佢地既炒米同普通炒米粉冇咩分別，只係會俾碟廈門辣醬你撈埋一齊食。不過佢ｄ辣醬都幾好味，橙紅色，有少少介辣ｆｅｅｌ，唔會好辣，有好輕微既甜酸味。

回程果陣響機場不斷聽到有航班ｄｅｌａｙ，阿經理好驚又好似黎果時咁遲成個半鐘，不過好彩（可能軍隊咁夜都要ｏｆｆ　ｄｕｔｙ啦），班機冇ｄｅｌａｙ到，否則都唔知幾點先番到屋企。