黑牛雪條 @ ＡＡ廢苦之言

Jul 14 Thu 2005 23:32
黑牛雪條

放學番到屋企，打開個雪櫃，見到有黑牛雪條食，拿拿臨拎一支出黎試下。其實早前響百佳都見到，不過都冇買到黎試。

食完之後，我諗唔會再買黎食啦。因為味道認真麻麻。其實所謂黑牛雪條，就係可樂味既冰條外層，包住朱古力味既雪糕心。兩隻味唔知點解變成左雪條就唔多夾檔。
跟住我試下分開黎食，發現外層既可樂味其實唔多似可樂，有少少藥水FEEL；而內層既朱古力味亦都唔夠香濃幼滑。所以整左出黎就更加唔好味，都係金戰士既橙汁冰條外層＋雲呢拿雪糕內層最好味！