二零零五四川之旅‧ＤＡＹ２－ＡＡ廢苦之言

搭下午機由成都飛九黃機場
，足足ｄｅｌａｙ左成粒鐘，後來個當地導遊話，班次延誤係家常便飯黎既。本來今日係ｐｌａｎ左去黃龍先既，但係因為班次延誤，就改左ｄａｙ４先去，今日先去左ｄａｙ４果個甘海子先。原來所謂甘海子，係一個小草原模樣既地方
，俾人騎下馬，另外仲有一條唔多靚既河，話俾人玩激流。不過我地去到佢都差唔多收檔，而且亦都冇遊人，加上我地都冇咩興趣騎馬激流，都係逗留左幾分鐘就走啦。

去到酒店，休息左一陣就食飯，食完就諗住去附近一條所謂既「邊邊街」逛下，不過可惜逛到去既時候佢都收哂檔咁濟，因為天都已經黑齊，佢地好似唔慣開燈咁，行左一陣就番左酒店追月，可惜個月亮都唔知去左邊，真係月亮忘記了……出現。