今日上午去左青城山。呢個景點係一個山頭,好有道教色彩。早上落住微微細雨,都算係幾乎合「青城天下幽」呢句說話。不過黎呢個山既人,好多都係上去拜呢樣拜果樣,咁我地又唔會拜呢d野,所以比原定時間返回到起點去食飯。午飯點左個宮保雞丁,d雞肉幾滑,唔似香港整果d,好柴皮下。另外叫左鍋巴,即係暴暴飯焦,食果時原來好似鐵板燒咁,上碟時先淋d汁上面,然後「渣」一聲咁出哂煙,幾好味!

下午去參觀都江堰水利工程,嘩!以前d人點解咁醒既?識得利用什麼物理學原理黎解決洪水及乾旱問題,勁!參觀完之後就完成左六日既四川之旅既所有行程,最後去左機場附近食左個early dinner,然後就搭飛機番深圳。

回程時響機上冇乜野做,就煲下airline果本雜誌,有一篇文個作者十年後故地重遊新彊,惜友人己離世。猶記九年前亦與友人到絲路一遊,出年就係十週年,都幾想再去一次,不過今次就想去東方瑞士客納斯。
arrow
arrow
    全站熱搜

    aaweb 發表在 痞客邦 留言(6) 人氣()