ＡＡ廢苦之言

今日終於都搞掂埋個project。講起都有少少氣憤。

話說個project 三條友做，其中一個（下簡稱某君）對於個project需要用到既知識係比較熟悉，因其工作範圍就係做呢d野。由開學到學期尾，某君都聲稱工作甚為繁重，好少上堂，所以亦冇乜機會同佢傾project既野。咁我唯有同另一個同學傾多d啦，咁傾完有咩都會send番mail俾某君通知佢或問佢意見。我唔知佢係真係咁忙（但我經常見佢響某留言版發言囉）定唔check mail啦，多數都係冇回音。

咁我地都醒，將個project分左做2舊，而且兩舊野可以各自各整，然後拼埋佢。我地兩個一早傾好搞好前一科個project先（另一科我地都係同一組做project），然後再整呢個project。

沿途某君一直唔見人，上個星期我地終於忍唔住打電話搵佢啦，原來佢出左business trip唔響香港，話要星期日先返（但係個project星期二交囉）。佢話佢星期日同星期一放假，會整咖啦。但係最終到present前既幾分鐘佢都仲係未100%搞掂囉，今日同尋日仲打電話黎問我地個flow係點。

我覺得你忙，我體諒你；你做出黎舊野做得唔好，我都唔會怪你，反正我自己又唔係做得好perfect，但係做人係咪要有番d責任心呢？如果佢肯稍為睇下我地一路以來send俾佢既mail, proposal等等，冇理由到last minute先話唔知個flow係點，唔係expect樣樣要我地口述一次下化？你估你係老細咩。如果係睇左唔明而問我覺得ok，但從佢既問題睇得出佢真係冇睇過d野就問囉。

佢今日仲鬼拍後尾枕呀，話原來佢business trip之後自己stay behind左2日響當地旅遊，我心諗，有冇搞錯，又講到自己幾咁忙，仲有得留2日去玩都唔做project。present 完佢仲響樹意圖再改d code，我實在睇唔過眼，我話，唔好再改啦，我想快d走。

臨走佢仲問我地下個sem take左咩科，我心諗，希望唔好撞到你，就算讀埋同一科都打死唔同佢一組做功課，咁不負責任。哼！