ＡＡ廢苦之言

終於頂唔住個手機handfree（又壞！），音差，手機張咭size又細（128MB）。放工做完gym度左去旺角，係咁2格過下價之後就買左呢部機啦。

其實心儀左呢個牌子既mp3機好耐，不過舊果部好堅，用極都未打柴，係最近偶然出類以ＣＤ現跳線現象先放埋左一邊，跟住就貪方便咁用手機頂住檔。講真，部手機音色唔錯，可惜係我搵唔到一個頸繩HANDFREE係好既，以前用開好果隻已經買唔番。

呢款MP3機身唔大，除左聽歌，仲有收音機功能，咁我朝早返工搭車時就可以繼續《在晴朗的一天恤髮》。佢仲SUPPORT幾種MOVIE FORMAT，可以PLAY D MOVIE仔玩下（玩下好啦，個SCREEN超細，驗眼！），可惜係唔SUPPORT我部DC用既MOV，稍後要研究下佢個SOFTWARE有冇得CONVERT先。另外一個幾重要既功能就係錄音，呢個功能對於逃學威龍及堂上釣魚高手都有莫大效用，加上我偶然要負責做少少記錄工作，所以呢個功能會幾有用。
不過，到呢一刻，都仲未有得試玩，因為：差電中……