風騷老闆娘揚言想試食低脂蘋果南瓜芝士蛋糕,剛巧家中有材料剩而再做了一個,所以立即相約乖乖自動送上門。能冠以風騷老闆娘之雅號,當然並非浪得虛名,順道設立私房菜(亦可謂住家菜)款宴「珠」朋及「熱狗」友。
第一道菜:細閘蟹

咪睇佢蟹仔細細,都有羔咖,d肉質都唔錯,好香呀。

第二道菜:撩臣蒸泥鯭

原來坐上客中有人乃泥鯭忠實fans,所以食得好kind先,我一向對此魚印象麻麻,但都食左兩條,又幾好味喎。

第三道菜:舊情綿綿瑤柱粥

用秘技在短時間內煲到d粥好綿,清淡得黎又好味,正!

第四道菜:招牌炒油麵

老闆娘拿手菜式,加入蜆肉既炒油麵,惹味!

第五道菜:二元炒菜心

大家唔好誤會,並唔係兩蚊一碟菜心咁解,而係二元專業炒手炮製既一菜兩炒:蒜頭及蠔油。加上有專人細心「度菜」,令菜心更加嫩口美味。

最後當然唔少得正斗咖啡啦,一杯expresso再加上南瓜cheese cake,very complete and very 滿足!

總結評分:
味道: ◎◎◎◎◎ 好味到不得了!
環境: ◎◎◎◎◎ 一流!
服務: ◎◎◎◎◎ 佳!
抵食: ◎◎◎◎◎ 一毫子都冇收,真係抵食到暈啦!哈哈!

arrow
arrow
    全站熱搜

    aaweb 發表在 痞客邦 留言(5) 人氣()