去印度 @ ＡＡ廢苦之言

Jun 16 Mon 2008 15:08
去印度

點都係避唔過，終於都係要去。

現正在候機室等候上機，真正既公司office地點響邊其實我都唔知，哈哈，只知架機係飛去孟買。

而且其實我都唔係好知今次去到要做d咩(咁即係咩都要做)，相信主要角色都係"做人質"。

好在上司尋日已經飛左過去，不過佢只係留一個星期，我就要留兩個星期，慘。去到應該有嚴重語言障礙。因為平時conference call真係唔知佢地up乜，哈！

今日順便出埋台証，咁下個月去台灣就唔駛落地簽(因為早機啊)。

我帶左個大行李箱(去日本時用果個)，有半個係用黎放杯麵，希望夠食。

好差唔多夠鐘登機，睇下去到仲有冇機會上網先。