今次用左自製既豆腐花黎做呢個芝士蛋糕，豆腐味的確少左，但係因為我本身又唔係話特別鍾意豆腐味，所以覺得比用豆腐做更好味。至於個texture呢，就有D似酒樓食果D椰汁糕。
今次個底係用左朱古力味清蛋糕黎整，不過其實冇乜朱古力味，但係又幾夾個豆腐花芝士喎……
- 5月 12 週四 200523:42
豆腐花芝士蛋糕
今次用左自製既豆腐花黎做呢個芝士蛋糕，豆腐味的確少左，但係因為我本身又唔係話特別鍾意豆腐味，所以覺得比用豆腐做更好味。至於個texture呢，就有D似酒樓食果D椰汁糕。
今次個底係用左朱古力味清蛋糕黎整，不過其實冇乜朱古力味，但係又幾夾個豆腐花芝士喎……
- 5月 11 週三 200500:20
醉蝦
成日聽譚美講整醉蝦，又話好正，又話易整，終於尋日放工去左街巿，可惜淨係得番咁多得賣，不過只係十蚊雞咋，抵！買果時仲識游水咖！
雖然係第一次整，但係都幾好味，因為隻古越龍山香糟露好正！哈哈！
- 5月 09 週一 200522:53
炒公仔麵 + 芝麻糊
今日忽然間好想試下炒公仔麵，仲好貪心咁加左隻蛋落去，我諗，唔落蛋可能會更加好味……哈哈！
跟住秘書個食譜用部豆漿機整左芝麻糊，稀杰程度適中，不過我覺得食落唔夠芝麻香，整果時就好香呀，哈。可能係因為我太懶，用左易潔穫黎炒ｄ芝麻，所以唔夠香。
又或者係ｄ芝麻本身唔靚都唔定，因為我都係去「歡迎」度求祈買一包咋。不過自製芝麻糊有一個好處，就係可以自己調較甜度，因為一般街賣既都係過甜。
- 5月 07 週六 200523:13
(美其名)溫習日.... 實質係....
今日短週唔駛返工，懶勤力咁番左婆里溫書，溫兩個鐘就去左頂好飲茶，飲完唔夠喉再去左四伯伯食下午茶餐。食完之後再番番婆里溫多陣書先返歸。
今日帶左部碌卜出去，搞到個背囊鬼死咁重，好在當時冇買部大既機咋，如果唔係仲重呀！
今日帶左部碌卜出去，搞到個背囊鬼死咁重，好在當時冇買部大既機咋，如果唔係仲重呀！
- 5月 07 週六 200502:27
游水
今日忽發奇想同譚美話去游水，順口問埋夢娜，佢又有興趣喎，咁放左工就拿拿臨去蘇高買齊架生去游啦。雖然只係游左半個鐘，但係幾舒服。d架生雖然唔平，但係都幾新奇。第一樣係個google，有個扣響後面，好鬼方便戴同除，仲要係淺紫色鬼咁靚。另外個泳帽又話係咩立體剪裁，易戴得黎又防水，唔駛傷頭髮咁話喎。
- 5月 05 週四 200523:57
JELLY模
今日放左學拿拿臨行去march買jelly模，因為佢十點就關門。
呢個星期六要去溫下書先得，好似積埋積埋有好多野未revise過..... 死火....
呢個星期六要去溫下書先得，好似積埋積埋有好多野未revise過..... 死火....
- 5月 04 週三 200511:34
芒果布丁
尋日唔知做乜鬼咁頭痛，又好眼訓，食左粒pan拿dol都冇改善，最慘係放左工仲要去上堂。
返到屋企本來想沖完涼就去訓，但係因為前日買左三個芒果，諗住整芒果布丁，再唔整就會爛，所以唯有以最快速度整左佢啦。
本來我係打算用乳駱同牛奶黎整，但係因為時間關係，結果都係用左布丁粉。加滾水攪勻攤凍放入雪櫃就搞掂。
等我今晚買罐花奶番屋企嘆下先~~ 嘰嘰！
不過我都打算遲下去買個布丁模黎整，因為其實用布丁粉開既布丁D味道係麻麻地。
自家製作 (3)