尋日同d舊同學去左呢間野食飯,遠遠見到窗口果面個view幾正咁,不過我地就坐靠向門口,唔係咁睇到個景。

間野d食物都唔錯,「邊等邊食」系列我地叫左花雕醉轉彎同埋青瓜海蜇,前者好似未夠入味,不過d酒就幾香。後者青瓜唔夠爽脆,海蜇就一般啦。我地叫左半打蒸饅頭同半打炸饅頭,細細隻咁,幾軟幾香,唔錯,不過凍左就冇咁好味,所以要趁熱食。個糖醋魚柳幾好味,唔會話整到d汁好色素feel,魚既肉質都唔錯,d肉唔會話霉哂,炸完都仲係成條幾厚肉咁。叫左一味樓外樓荷香裹蒸雞,我覺得幾好味,d雞肉唔會話好鞋,又唔會話整得太咸,個汁有d似鹵水同豉油汁feel,但冇咁濃味。我地亦都有叫壽包,size唔係好巨型,不過都有個咸蛋王響入面,整得幾軟幾香。

不過服務就唔係太週到,成日都好難叫到d侍應黎,睇落又唔似唔夠人,但係唔知點解成日見到d侍應行黎行去都係好匆忙,唔得閒應你咁,不過都算有禮貌。

arrow
arrow
    全站熱搜

    aaweb 發表在 痞客邦 留言(0) 人氣()