有人話自己未上過大陸dup骨係大鄉里,咁我上左網咁多年都冇裝過webcam都可以算係大鄉里。(又學人玩一題多寫?哈哈)

以前,因為冇歡貧,所以冇裝webcam;有了歡貧,又覺得冇咩需要裝。

今日,跟四位NA盟友聚舊,得知當中一人落實九月到英國重返校園,一人則明年嫁到美國去,所以,係時候買個CAM黎實習下。

去到星際,望左幾望,問左其中一個外表比較型仔既WEBCAM價錢,但哥哥仔指住另一部話:「其實平呢隻都OK咖,同一間廠出,都好清咖。」佢開左個軟件黎試俾我睇,的確清喎;標價$108,的確平喎,因為之前去公司附近見果D全部都二百幾以上,都諗住買,點知哥哥仔又話:「見臨收工,齊頭一百,送埋個HEAD瘋俾你啦。」幾好人屎(雖然佢可能跟本就係標高左個價, 但ANYWAY我本來諗住要用$108,家下用少八蚊都好,夠搭VAN仔番屋企)。

番到黎終於裝好,但,未搵到人試,哈,有裝鏡果d全部都冇online!!
arrow
arrow
    全站熱搜

    aaweb 發表在 痞客邦 留言(2) 人氣()