ＡＡ廢苦之言

今朝因為要搭八點幾機，晨咁早就起身。去到停車場猛按防盜，車都係冇反應。開頭以為自己個防盜鎖壞鬼左啦，咁就用匙開車啦，又冇響防盜喎，已經心知不妙。坐上去想撻車，又唔著。扭車頭燈掣，都係唔著，而且發現個位係響低燈，而唔係off。咁我都估到係電磁冇電。到我阿爸黎到，都係開唔到。結果走左的士站搵個司機大佬黎用過江龍撻番著架車，好在都好快搞掂，而且我阿爸更同個司機大佬扮friend話自己係行家（因為佢以前真係渣的士咖），所以收左行家價五十蚊（私家車公價一舊水）。

好在之後都好順利咁六點半前就去到機場，順利登機啦。

0740於香港國際機場22閘口