ＡＡ廢苦之言

今日放工去左百佳買依士，本來想買埋蓮茸整壽包，但係臺仔冇得賣，唯有唔用餡整饅頭啦。
我真係用左張檯仔黎搓，冇用工作檯咁好就力，隻手會累d，但係因為份量唔係好多，都ok

發酵我放左佢落微波爐加杯熱水放三十分鐘，呢個時間幾o岩喎，蒸出來d飽都冇裂。今次一共整左八個饅頭，分左兩次蒸，因為個蒸籠唔夠大。大約要蒸八分鐘。我因為冇買到包底紙，用上次裁剩既不沾布黎整，幾好用啊！哈哈！

呢幾日一直係咁落雨，返工放工都好唔方便。如果黑雨咪好囉，唔駛返工。返到黎又冇野做，老細都知我冇野做，佢俾我既野我又做哂，新工作佢又未confirm d requirement, 俾唔到俾我做，成日響樹大無聊。上網又冇以前咁方便，唯有轉行睇書。不過睇書都幾眼訓，尤其睇到d source code，所以睇得好慢下。成日都想著手做返學果份project，但係學高根話齋，由零開始係成個project最難之處，d program都唔知應該由邊度寫起好，哈哈！
講開返學，自從返左學之後，少左好多去做運動既時間，冇以前咁好可以一星期做兩、三日gym。游水雖然搵到好地方，但係天氣唔好一樣係冇得游。阿妹好似有打算朝頭早去做一個鐘頭gym先返工，我諗諗下都想跟埋去，因為覺呢排少做左運動之後好似唔多健康咁，雖然冇咩大病，但係覺得成日有小毛病咁。
今日終於可以唔駛再用九倉條電話線啦，因為早兩日電盈打電話黎，話九倉話我欠佢錢，唔俾轉。佢一日唔搞清楚條數，我一日都唔會再俾錢。但係我真係好唔想再用九倉，問個女仔有咩計，電盈既員工真係醒好多，當我話比佢知條電話線其實係用黎傳真、上網之用，佢就問我其實需唔需要保留番個電話號碼，如果唔需要，就即刻可以申請一個新既，兩三日就可以安排安裝。咁我即刻接納佢個提議啦，佢仲俾左幾個靚number我揀添呀，幾鬼易記。今日電盈黎左裝線啦，我以後唔駛再受九倉d不知所謂既service既氣，俾錢仲要勞氣，真係唔抵！個女仔仲八俾我知，原來九倉既客顧服務熱線係廣州做咖，唔怪得咁差啦。我唔係歧視大陸人，而係佢地既水準真係未到水平，所以香港人人工貴係有理由咖，一分錢一分貨。

嗯...d紋唔係咁靚，仲有一個爆左添...哈哈

今日去上堂，學整左壽飽和箭豬飽，幾好玩啊！

番到屋企用左秘書浸既日本黃豆黎自製豆腐，不過整左出黎有少少碎，將會用黎今晚滾紫菜湯。

試整左秘書自創既果醬曲奇，貪得意再加些少朱古力上面，都幾夾喎個味。

呢隻曲奇勝在唔會話太甜同太濃牛油味，脆得黎唔係硬身果隻，而且因為選用左藍莓果醬，令曲奇有粒粒藍莓，食起上黎有咬感。

尋日同ｄ舊同學去左呢間野食飯，遠遠見到窗口果面個ｖｉｅｗ幾正咁，不過我地就坐靠向門口，唔係咁睇到個景。
間野ｄ食物都唔錯，「邊等邊食」系列我地叫左花雕醉轉彎同埋青瓜海蜇，前者好似未夠入味，不過ｄ酒就幾香。後者青瓜唔夠爽脆，海蜇就一般啦。我地叫左半打蒸饅頭同半打炸饅頭，細細隻咁，幾軟幾香，唔錯，不過凍左就冇咁好味，所以要趁熱食。個糖醋魚柳幾好味，唔會話整到ｄ汁好色素ｆｅｅｌ，魚既肉質都唔錯，ｄ肉唔會話霉哂，炸完都仲係成條幾厚肉咁。叫左一味樓外樓荷香裹蒸雞，我覺得幾好味，ｄ雞肉唔會話好鞋，又唔會話整得太咸，個汁有ｄ似鹵水同豉油汁ｆｅｅｌ，但冇咁濃味。我地亦都有叫壽包，ｓｉｚｅ唔係好巨型，不過都有個咸蛋王響入面，整得幾軟幾香。
不過服務就唔係太週到，成日都好難叫到ｄ侍應黎，睇落又唔似唔夠人，但係唔知點解成日見到ｄ侍應行黎行去都係好匆忙，唔得閒應你咁，不過都算有禮貌。

前陣子買了一本「新手烘焙最簡單」，內裡介紹一個輕乳酪蛋糕賣相不錯，所以決定一試，還去買了一個橢圓形的乳酪蛋糕模呢。果然效果比圓形模好啊！因為焗的時候頂部沒有裂開啊！（兩個蛋糕是一同放進爐中焗的）

這個食譜的蛋用的比較多，所以蛋味較濃，下次再做可以少放一點蛋。

有時候會一個人響觀塘「搵食」，沙嗲城經常都會係我既選擇，因為我幾鍾意食佢既香茅豬扒凍檬。佢整既豬扒肉質夠林，唔會話又「鞋」又「刃」，煎得又夠香，份量都算夠（一塊大扒切開三四塊上）。ｄ檬粉唔會話凍冰冰痴埋一舊咁上（實在食過太多食肆係咁），上既時候係暖暖地，好鍾意呢種感覺。配菜有蘿白絲、蔥花、花生碎、蒜子蓉等等，夠哂香。個汁就幾夠酸（我鍾意食酸ｄ既汁），我通常成兜倒哂落去撈咖！不過，佢其他食品我就好少食，好耐之前食過覺得麻麻。
地址：觀塘牛頭角道 371 號地下
價錢：＄２９

此篇文章受密碼保護，請輸入密碼後閱讀。

此篇文章受密碼保護，請輸入密碼後閱讀。