ＡＡ廢苦之言

有人話點都要寫下食評喎，我見個頭又未乾，佢又提供左D送名，就即管寫下啦！
食物計有酸雜菜,春卷,生蝦,炸蝦頭,海南雞,豬腳,冬陰功雲吞湯,甜酸倉魚,牛尾煲同埋椰汁四寶露。
- 酸雜菜唔錯，幾開胃，D蘿白唔算係我既「飛VA」，但係都整得幾好味。
- 春卷好鬆脆，D餡唔會話好油膩，幾好！
- 生蝦，呢味我最鍾意，加左D辣椒同蒜頭，惹味！D蝦都幾新鮮，肉又夠厚。

份量：一個七吋蛋糕或兩個六吋蛋糕
工具：
- 電動打蛋器
- 乾磨器

今日落左黃金買碟，番到屋企整左木糠蛋糕。不過D CREAM我唔係咁敢打得佢「太盡」，所以都唔知打得夠唔夠咖。

呢個係得兩層CREAM既，另外有一個心型就有四層。
頭先試左味，幾正，唔會太甜，不過D粉都係有少少「濁喉」，同埋太軟身好難「筆」。依家放左上冰格雪下佢，睇下會唔會再好味D。
【補充】頭先試左味，放上凍格雪一雪真係當堂唔同哂。好味好多，同埋硬身左可以用刀切完拎起！YEAH~~

呢個就係加左菠蘿既大菜糕啦
加左菠蘿的確係好味好多，所以大家下次整都要落呀！哈哈

今日經過城巿掃把，本來係打算去買cream，但係見到d 日本豆腐好靚咁，買左一件黎整左個豆腐芝士蛋糕，真係幾滑。
不過片蛋糕浮呀，好彩都可以將個cake倒轉，都幾平滑，嘰嘰。

今晚整左大菜糕，因為之前去台灣買左個獅子模同錦鯉模，今日就開一開齋，都幾易脫模。

另外仲有一盤係用上次去三越買既布丁模，我仲加左d罐頭菠蘿，應該會好味d。
今次好似落得唔夠糖。我求祈加，都冇計住落左幾多，係咁2試左味就算，哈哈。
不過我買果包大菜糕教落杏仁香油，咁o岩我又有樽響屋企，加左半茶匙，真係幾香幾夾喎d味，不過蛋花多左d，應該落半隻蛋就夠，不過我見剩番都係倒，所以諗住倒埋落去唔好徙，結果搞到都幾重蛋味。

此篇文章受密碼保護，請輸入密碼後閱讀。

今晚去左油麻地紅粉佳人食西餐顛拿。因為去開果頭，所以就上開飯check下有咩好吃，俾我search到呢間野。
間野睇落好似招牌菜係三文魚，因為見佢個招牌有好大條三文魚。環境ok，食物款式都有幾多得揀。個酥皮湯整得幾好，個皮唔會大厚，金黃色皮咁。主菜我揀左三文魚蟹子白汁意粉，都幾好味，d 白汁唔會話漏。

今晚去左重慶食咖喱。大廈門口既「宣傳人士」依然係咁熱列，未入到去就一窩蜂咁湧埋黎。一輪披荊斬棘之後，終於安全抵達E座lift口，響一個滿面胡鬚既巴藉宣傳人士陪同下搭lift 上去。為左貪快，搭左部雙數lift上八樓行番落一層，見到門口寫住「member only」。雖然只係七點鬆d，入面都已經坐左好多圍。
我地被安排坐左響間獨立房，所以唔嘈，不過間房都幾細，我地估計一張雙人床都未必放得落。

坐低一陣都唔係太有咩特別既idea食乜，本來都係打算係咁揀D黎試下，不過好在叫著老板JOHNNY黎落ORDER，咁我地就俾佢發板，佢幫我地叫左三款NAAN(芝士、蒜蓉、薯仔)、鐵板雞、三款咖喱(羊、牛、雞)、一碟蔬菜同埋DRINK。味道都幾好，而我地選左小辣，所以D咖喱都唔辣，好易入口。唔知係咪因為以前都食過，冇咩特別驚喜，但係以每人八十蚊既價錢，我覺得都幾好味，都可以間唔中去下。不過係樓下D宣傳人士比較「嚇氣」，下次都係走小路，唔由正門入先得。

為慶祝雲妮生日（雲妮，睇左咁耐你終於出場啦~~），今晚同D舊同事去左小肥羊打邊爐。
叫左個鴛鴦窩：

都真係幾辣。試左個叫「羊粉」既野（但係佢話係馬鈴薯粉做咖喎，咁點解叫羊粉呢？），幾得意，好彈牙。
另外佢D甜品都幾平，我地叫左幾款一齊SHARE。

要選最愛三哥劇集，首推「天師執位」，次選「飛越十八層」。勁正！
講番學警雄心，個編劇唔掂係好明顯既事。先唔講佢安排李sir之死係無謂之舉，就算要死，都應該死得make sense d。
有乜理由兩個經驗豐富既警察，只係得支左輪就停車同D悍匪駁火先得咖？明知佢地有好多勁既軍火，見到仲唔撇咩，仲停車同佢駁火。
好，就算係佢地太想維護法紀，警惡懲奸而妄顧己身，都冇可能可以用支左輪戰勝D悍匪既軍火囉。唔該MAKE SENSE少少啦，編劇唔係一味老作就得咖，都要做少少資料搜集，唔好悔辱觀眾既智慧，唔該。