- May 30 Mon 2005 23:59
尋日去左金喜來
- May 28 Sat 2005 15:31
重慶咖喱王
今晚去左重慶食咖喱。大廈門口既「宣傳人士」依然係咁熱列，未入到去就一窩蜂咁湧埋黎。一輪披荊斬棘之後，終於安全抵達E座lift口，響一個滿面胡鬚既巴藉宣傳人士陪同下搭lift 上去。為左貪快，搭左部雙數lift上八樓行番落一層，見到門口寫住「member only」。雖然只係七點鬆d，入面都已經坐左好多圍。
- May 22 Sun 2005 17:24
- 台北遊day飛
今日終於可以訓晏D，起身之後食酒店包埋既早餐，幾鬼正。雖然只係小小一角，但係種類都足夠，味道又好。之後親戚車左我地去淡水同漁人碼頭行下，好鬼曬呀！去完淡水就直接送埋我地去機場。不過去到機場我地先發現第一日買既鳳梨酥唔記得拎呀！本來話十一點送黎嘛，但係我地11點幾先走佢都未送黎，我地自己又醒唔起，好在都可以叫番個親戚去拎黎食，唔係就徙左。
- May 21 Sat 2005 12:21
- 台北遊day吐
第二日ｊｏｉｎ左個ｐａｃｋａｇｅ附送既巿內一日遊。去左野柳同九份，都係每人收五十蚊港幣既小費咋，好抵！本來下午係會去浸溫泉同夜晚會去士林夜巿添咖，不過因為大部份人都冇咩興趣去浸溫泉，所以就送番大家去酒店。
- May 20 Fri 2005 22:08
- 台北遊day溫
呢個自由行既package都幾好，包機場接送到酒店，如果唔係都幾愁，因為今次住呢間酒店比較新，好似冇機場巴士直達。接送途中都不忙帶我地去買野，就係去左
- May 20 Fri 2005 14:47
第一次的過江龍
今朝因為要搭八點幾機，晨咁早就起身。去到停車場猛按防盜，車都係冇反應。開頭以為自己個防盜鎖壞鬼左啦，咁就用匙開車啦，又冇響防盜喎，已經心知不妙。坐上去想撻車，又唔著。扭車頭燈掣，都係唔著，而且發現個位係響低燈，而唔係off。咁我都估到係電磁冇電。到我阿爸黎到，都係開唔到。結果走左的士站搵個司機大佬黎用過江龍撻番著架車，好在都好快搞掂，而且我阿爸更同個司機大佬扮friend話自己係行家（因為佢以前真係渣的士咖），所以收左行家價五十蚊（私家車公價一舊水）。
- May 15 Sun 2005 00:20
Ｃ＋灘ＳＷＩＭＭＩＮＧ＆芒果乳駱布甸
今日放左工之後同夢娜＆譚美去左Ｃ＋灘游水，幾鬼正。游完仲吃埋個ＴＥＡ先走。
自家製作 (4)
