今朝早響公司玩緊自己部手提之濟，有個爛玩精friend搵我叫我去沙灘哂太陽兼游水。咁橋我今日打算放左工去游池游，所以帶齊哂游衣，所以一口應承。本來想搵多幾條友去，但係實在係太即慶，結果都係我地兩條友仔入左淺水灣。- Jul 16 Sat 2005 23:40
同陽光玩遊戲
今朝早響公司玩緊自己部手提之濟，有個爛玩精friend搵我叫我去沙灘哂太陽兼游水。咁橋我今日打算放左工去游池游，所以帶齊哂游衣，所以一口應承。本來想搵多幾條友去，但係實在係太即慶，結果都係我地兩條友仔入左淺水灣。- Jul 13 Wed 2005 00:46
出差→廈門
出差對於我黎講，係一個「蝕」字，因為往往都會蝕左好多時間，例如搭飛機既時間，放左工之後既時間。所以我其實都唔係咁想出差。好彩今次只係兩日一夜，而且機程只係55分鐘（仲快過我由屯門返屋企），都冇咁慘。
- Jul 09 Sat 2005 22:42
- ～七月九 迷幻沙灘搞一搞～ → 【乘風破浪日曬雨淋團】
雖然最終冇去迷幻沙灘，將行程改為乘風破浪日曬雨淋團，但係都好玩呀，哈哈！而且今次能夠好成功咁打破左九男女既定律，有十男女之多，都算係一個壯舉。
- Jul 05 Tue 2005 10:29
一舉成名
尋日睇番錄起左既「一舉成名」，驟眼睇，ｄ參賽姐都真係幾似佢地既模仿對象。其中有兩個扮劉德華，山西劉德華個樣比較似，但係我覺得佢神情唔似，最騎呢係著成套白色中山裝，但係又配對黑色皮鞋，怪！反而廣州劉德華既神情就好似，果首《練習》唱得幾好聽，中間又有換衫，好有誠意。如果比我選，我會投佢一票。冠軍既順德張國榮，外型其實唔多似，不過唱歌就幾似，但係唔算唱得好，有ｄ走拍＆走音，但唔知點解現場觀眾見到佢出場就好似好ｈｉｇｈ咁，其實佢平平無奇之嘛。
- Jul 04 Mon 2005 23:49
寫BLOG
呢期發現身邊好多人都有寫blog。開始習慣每日都去睇一遍朋友既blog，有時又回應下，都幾過癮。有時會見到好多別字，有時又會見到好多平時自己睇唔到既野。其實好耐之前已經想過寫blog，但鑑於當時我所認識既果個本地薑blog site比較唔user-friendly，function又好似唔多夠(例如貼唔到相)，相信要典一排先會搞得成，諗諗下都係放棄。後來輾轉黎到呢一個web，覺得幾user-friendly，又易control，最後仲做埋白金member，希望呢個web可以繼續落去，唔駛摺。
- Jul 04 Mon 2005 11:27
七月三日‧繼續天晴‧ｓｏ ｇｏｏｄ！
下午約左舊同事飲茶，終於都見到ｂｂ女啦，好得意呀！又肯俾人抱，擰計都係係ａｉｒ２聲，好過癮！最衰係個個都冇帶相機，搞到冇得影相添，下次一定要帶！
- Jul 04 Mon 2005 11:26
七月二日‧天晴
一位來自加拿大的網友路過香港，約左佢同埋一位香港網友出黎飲茶，飲完茶去左十蚊店行，我都買到唔少野，哈。不過都係阿遊客最大收獲。行完之後去左阿貓地攤飲野，一坐都坐左兩粒幾鐘。朋友好鐘意貓，所以阿貓地攤好ｏ岩佢，個ｃａｆｅ出面有好多野賣，當然佢又有斬獲啦。
- Jul 02 Sat 2005 20:33
石頭記【補充】
2005年7月1日，陰，是日吉日（有人話），宜出門。一行九男女去左陰澳行一個圈。條路幾短，好快就行完，沿途都幾多蚊，好在大家響冇約定既情況底下帶左蚊怕水同無比滴。路既盡頭就係機場快線路軌，有團友一如以往咁帶左盒西瓜黎同大家分享，點知帶漏左叉，冇叉用，不過，團友們好勁，竟然有膠叉，又有牙簽，結果都順利食哂。
- Jul 02 Sat 2005 00:52
石頭記<----大會指定名稱
傳聞迪士尼附近有個地方，有水晶執，半信半疑，有人做搞手，就一齊去啦，兜左一個圈，接近尾聲時以為被坑了，點知團員中就有人發現到水晶啦！跟住大家都開始努力咁搵，都有唔錯既收獲！
自家製作 (4)
