ＡＡ廢苦之言

今日放工去左百佳買依士，本來想買埋蓮茸整壽包，但係臺仔冇得賣，唯有唔用餡整饅頭啦。

呢幾日一直係咁落雨，返工放工都好唔方便。如果黑雨咪好囉，唔駛返工。返到黎又冇野做，老細都知我冇野做，佢俾我既野我又做哂，新工作佢又未confirm d requirement, 俾唔到俾我做，成日響樹大無聊。上網又冇以前咁方便，唯有轉行睇書。不過睇書都幾眼訓，尤其睇到d source code，所以睇得好慢下。成日都想著手做返學果份project，但係學高根話齋，由零開始係成個project最難之處，d program都唔知應該由邊度寫起好，哈哈！

嗯...d紋唔係咁靚，仲有一個爆左添...哈哈

今日去上堂，學整左壽飽和箭豬飽，幾好玩啊！

試整左秘書自創既果醬曲奇，貪得意再加些少朱古力上面，都幾夾喎個味。

尋日同ｄ舊同學去左呢間野食飯，遠遠見到窗口果面個ｖｉｅｗ幾正咁，不過我地就坐靠向門口，唔係咁睇到個景。

前陣子買了一本「新手烘焙最簡單」，內裡介紹一個輕乳酪蛋糕賣相不錯，所以決定一試，還去買了一個橢圓形的乳酪蛋糕模呢。果然效果比圓形模好啊！因為焗的時候頂部沒有裂開啊！（兩個蛋糕是一同放進爐中焗的）

有時候會一個人響觀塘「搵食」，沙嗲城經常都會係我既選擇，因為我幾鍾意食佢既香茅豬扒凍檬。佢整既豬扒肉質夠林，唔會話又「鞋」又「刃」，煎得又夠香，份量都算夠（一塊大扒切開三四塊上）。ｄ檬粉唔會話凍冰冰痴埋一舊咁上（實在食過太多食肆係咁），上既時候係暖暖地，好鍾意呢種感覺。配菜有蘿白絲、蔥花、花生碎、蒜子蓉等等，夠哂香。個汁就幾夠酸（我鍾意食酸ｄ既汁），我通常成兜倒哂落去撈咖！不過，佢其他食品我就好少食，好耐之前食過覺得麻麻。

一間不知所謂的公司，的確不知所謂到底的，我今天終於領略得到。

事緣我家中電話是由一位己遷出的親人登記，要做查詢及更改服務時比較麻煩，而且我想將電話線轉回用電訊盈科（因為我見九倉帳單上有數項不知名但已豁免的收費項目，本人甚覺不安，唯恐不知何年何月突然在不知不覺的情況下取消豁免而收取莫名其妙的費用），於是我便申請將登記人姓名轉回自己。該公司職員稱新登記名字將於下期帳單顯示。等了一個月，帳單來了，卻發現登記人名字竟然串錯！我是用白紙黑字的文件去申請轉名，真想不通為何連短短十多個英文字母都可以錯。而且客戶名稱應該算是一個重要資料吧，不做核對的嗎？好，我算你人有錯手。收到帳單後（當時是凌晨十二時多）我立刻致電九倉，線路一直繁忙，等了超過十五分鐘，才有接聽。我指出他們把登記人名字串錯，要求立即改正及重發一張印有本人之正確名字的帳單，知道那位職員怎樣回答？更正姓名可以立刻辦妥，但不能重發帳單。我反問，現在錯的是你方，我要求重發帳單是極之合理，為何不可？他說：重發帳單是要收費的，不過……他還未說完我已經忍不住：「你都幾好笑喎，你地自己做錯野仲要收我錢呀？」他無言以對，說會記錄此項要求並於三個工作天內回覆。第二天我收到回覆電話，說已發的帳單資料不能更改，就算重發也是印著錯的名字。我就問：若然我是用這張帳單向公司ｃｌａｉｍ錢，現在名字又不對，怎辦？她回答，那你可以先不繳付此期帳項，留待下一期印上正確名字的帳單才繳款。既然她這樣說，我也沒法子，只好按她所說，痴痴地等下一個月的帳單來臨（轉電訊公司又要多等一個月）。

有人話點都要寫下食評喎，我見個頭又未乾，佢又提供左D送名，就即管寫下啦！

今日落左黃金買碟，番到屋企整左木糠蛋糕。不過D CREAM我唔係咁敢打得佢「太盡」，所以都唔知打得夠唔夠咖。

呢個就係加左菠蘿既大菜糕啦