ＡＡ廢苦之言

公司附近開了一家星巴克，上一次去的時候，店員就為我們介紹了一個「環保杯」，每次攜此環保杯買咖啡，可以有一元的折扣優惠。經過一番考慮，今天再到該店時，就立定主意要買一個，今天比前次還多添了幾個款式呢！最後我選了一個黑色為主的闊杯，而我同事就選了一個咖啡色為主的窄杯。盛惠每人六十八個大洋，不過買杯時會送你一張免費咖啡贈券，可用作購買任何咖啡之用，所以實際那杯子不是太昂貴。

曾經有好多人問過我，誰是發條，其實我也不認識他。他自稱叫林家瑋，現年廿五歲，身高１７ＸＣＭ。

今日長週要返工。放左工之後去左婆里游左半個鐘頭水先番屋企。

大熱天時做咩最消暑？哈哈，就係去打邊爐！因為有骨氣依家個優惠係用中銀咭可以八十八蚊任食指定食物，所以今日又去食左一趟。

今日部死機反常地好聽話，咁我就拿拿臨拎去賣，收果個人check機好正常，但係個叉電插位就有發霉蹟象，咁佢就拆開哂部機黎check，check完發現機身就冇發霉，所以都肯收，酌量減左五十蚊，六舊成交。真係好。

今朝早響公司玩緊自己部手提之濟，有個爛玩精friend搵我叫我去沙灘哂太陽兼游水。咁橋我今日打算放左工去游池游，所以帶齊哂游衣，所以一口應承。本來想搵多幾條友去，但係實在係太即慶，結果都係我地兩條友仔入左淺水灣。

【死機】

頭先睇左一陣英文台既一個節目，係講D外國細路仔既。

出差對於我黎講，係一個「蝕」字，因為往往都會蝕左好多時間，例如搭飛機既時間，放左工之後既時間。所以我其實都唔係咁想出差。好彩今次只係兩日一夜，而且機程只係55分鐘（仲快過我由屯門返屋企），都冇咁慘。

聽日返。

《※澳門兩日食十九餐※》

尋日睇番錄起左既「一舉成名」，驟眼睇，ｄ參賽姐都真係幾似佢地既模仿對象。其中有兩個扮劉德華，山西劉德華個樣比較似，但係我覺得佢神情唔似，最騎呢係著成套白色中山裝，但係又配對黑色皮鞋，怪！反而廣州劉德華既神情就好似，果首《練習》唱得幾好聽，中間又有換衫，好有誠意。如果比我選，我會投佢一票。冠軍既順德張國榮，外型其實唔多似，不過唱歌就幾似，但係唔算唱得好，有ｄ走拍＆走音，但唔知點解現場觀眾見到佢出場就好似好ｈｉｇｈ咁，其實佢平平無奇之嘛。

呢期發現身邊好多人都有寫blog。開始習慣每日都去睇一遍朋友既blog，有時又回應下，都幾過癮。有時會見到好多別字，有時又會見到好多平時自己睇唔到既野。其實好耐之前已經想過寫blog，但鑑於當時我所認識既果個本地薑blog site比較唔user-friendly，function又好似唔多夠(例如貼唔到相)，相信要典一排先會搞得成，諗諗下都係放棄。後來輾轉黎到呢一個web，覺得幾user-friendly，又易control，最後仲做埋白金member，希望呢個web可以繼續落去，唔駛摺。

下午約左舊同事飲茶，終於都見到ｂｂ女啦，好得意呀！又肯俾人抱，擰計都係係ａｉｒ２聲，好過癮！最衰係個個都冇帶相機，搞到冇得影相添，下次一定要帶！

一位來自加拿大的網友路過香港，約左佢同埋一位香港網友出黎飲茶，飲完茶去左十蚊店行，我都買到唔少野，哈。不過都係阿遊客最大收獲。行完之後去左阿貓地攤飲野，一坐都坐左兩粒幾鐘。朋友好鐘意貓，所以阿貓地攤好ｏ岩佢，個ｃａｆｅ出面有好多野賣，當然佢又有斬獲啦。

呢幾日一直係咁落雨，返工放工都好唔方便。如果黑雨咪好囉，唔駛返工。返到黎又冇野做，老細都知我冇野做，佢俾我既野我又做哂，新工作佢又未confirm d requirement, 俾唔到俾我做，成日響樹大無聊。上網又冇以前咁方便，唯有轉行睇書。不過睇書都幾眼訓，尤其睇到d source code，所以睇得好慢下。成日都想著手做返學果份project，但係學高根話齋，由零開始係成個project最難之處，d program都唔知應該由邊度寫起好，哈哈！

呢個就係加左菠蘿既大菜糕啦

要選最愛三哥劇集，首推「天師執位」，次選「飛越十八層」。勁正！

今朝因為要搭八點幾機，晨咁早就起身。去到停車場猛按防盜，車都係冇反應。開頭以為自己個防盜鎖壞鬼左啦，咁就用匙開車啦，又冇響防盜喎，已經心知不妙。坐上去想撻車，又唔著。扭車頭燈掣，都係唔著，而且發現個位係響低燈，而唔係off。咁我都估到係電磁冇電。到我阿爸黎到，都係開唔到。結果走左的士站搵個司機大佬黎用過江龍撻番著架車，好在都好快搞掂，而且我阿爸更同個司機大佬扮friend話自己係行家（因為佢以前真係渣的士咖），所以收左行家價五十蚊（私家車公價一舊水）。

聽日要晨五出門口去機場，因為要搭八點二機。但係我一D行李都未執，哈哈，今晚仲要返學添。